CAMBIOS NAS ALERTAS DE VARIOS CONCELLOS DO SALNÉS

Coronavirus Pontevedra-Salnés: 67 contaxios e soben a 1.277 os casos activos Ribadumia deixa de estar en alerta vermella, mentres a área sanitaria rexistra un número de contaxios similar ao dos últimos días. Segue empeorando a área sanitaria de Pontevedra e O Salnés, aínda que cun número de casos novos moi similar ao dos últimos días e inferior ao dos picos de hai dúas semanas. Hoxe un municipio -Ribadumia- abandona o estado de alerta vermella. Nas últimas 24 horas producíronse 67 contaxios novos, 1 falecemento e 59 altas, o que fai que suban en 7 persoas os casos activos, pasando dos 1.270 de onte a 1.277 hoxe. Diversos cambios nos niveis de alerta por municipios: Ribadumia baixa a alerta laranxa, Meis sobe a alerta laranxa, Vilanova sobe a alerta amarela e Vilaboa deixa de estar en alerta. Alerta nivel 3 (vermella): Cambados (68 casos, +3), Marín, Poio, Pontevedra, Sanxenxo e Vilagarcía de Arousa. Alerta nivel 2 (laranxa): Caldas de Reis, Meis, O Grove, Ribadumia e Soutomaior. Alerta nivel 1 (amarela): A Lama, Bueu, Cuntis, Meaño e Vilaboa. O número de pacientes hospitalizados baixa de 83 a 74 persoas, distribuídos en 56 pacientes no CHU de Pontevedra (50 en planta e 6 na UCI), 15 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.433 casos de coronavirus, con 42 falecementos, 3.114 altas e 1.277 casos activos nestes momentos.