MENOS ACTIVOS EN GALICIA GRAZAS AS ALTAS

Menos contaxios que o martes pasado e un crecemento de casos activos menor grazas ao crecente número de alta.

A noticia dos 21 falecementos de onte, maior cifra desde o 11 de abril, caeu como un xerro de auga fría aos galegos antes de irse á cama, pero hoxe pola mañá os datos actualizados da Xunta de Galicia son relativamente boas noticias. Os 448 contaxios novos de hoxe son unha das cifras máis baixas das últimas semanas, e son menos que o mesmo día da semana pasada por segundo día consecutivo. O martes da semana pasada reportáronse 539 contaxios cun número de probas PCR similar. Hoxe son 448 positivos, o 7,61% de 5.883 probas, e fai sete días eran 539 positivos, o 9,6% de 5.612. A situación non é boa, pero polo menos parece deixar de empeorar. Na web de datos do Sergas di que nas últimas 24 horas confirmáronse 425 de COVID-19 por PCR, pero a diferenza entre o total de infectados desde o inicio da pandemia de hoxe (38.415) e o de onte (37.967) é de 448 persoas. Nas últimas 24 horas rexistráronse en Galicia 448 novos casos de SARS- CoV-2, 21 falecementos e 343 altas, o que fai que o número de casos activos suba en 84 persoas, pasando das 9.292 de onte ás 9.376 de hoxe. Trátase dun dos menores incrementos das últimas semanas. O total de hospitalizados, por desgraza, continúa aumentando, e hoxe pasa dos 523 que había onte a 545 hoxe. O número total de casos de coronavirus en Galicia desde o inicio da pandemia é de 38.415. Tres áreas sanitarias baixan en casos activos Coronavirus A Coruña: Malpica en alerta vermella, 86 contaxios novos e 1.603 casos activos Coronavirus Ferrol: 63 contaxios novos e soben a 982 os casos activos Coronavirus Santiago: 56 contaxios novos e baixan a 1.348 os activos Coronavirus Vigo: 99 contaxios novos e soben a 2.126 os casos activos Unha das boas noticias do día é que hai tres áreas sanitarias que conseguen baixar o seu número de casos activos: Lugo, Ourense e Santiago de Compostela. A máis afectada de Galicia continúa sendo Vigo con 2.126 casos activos (+54), seguida dos 1.603 da Coruña (+28), 1.348 en Santiago (-12), 1.272 en Ourense (-27), 1.082 en Pontevedra (+33), 982 en Ferrol (+28) e 963 en Lugo (-20). Novos contaxios por áreas sanitarias A Coruña: 86 Ferrol: 63 Lugo: 29 Ourense: 38 Pontevedra: 77 Santiago: 56 Vigo: 99 Total: 448 O total de falecidos en Galicia alcanza as 944 persoas, 21 máis que onte e xa son 325 en nova normalidade. O total de hospitalizados é de 545 persoas, divididos en 79 na UCI e 466 en unidades de hospitalización. O total de probas PCR realizadas é de 706.236, 5883 nas últimas 24 horas cun 7,61% de positividade. Esta semana comezou mellor que a anterior e por segundo día consecutivo rexistráronse menos casos que no mesmo día da semana pasada. Sumando os casos de luns e martes levamos 1.052 casos novos, en comparación cos 1.152 dos dous primeiros días da semana pasada.