MÁIS DE 800 ALTAS FAN BAIXAR O NÚMERO DE ENFERMOS ACTIVOS

Coronavirus Galicia: 523 contaxios novos e baixan a 9.554 os casos activos Gran descenso de infectados en Galicia grazas a que se produciron 823 altas. Todas as áreas sanitarias galegas melloran. Descenden os casos activos de coronavirus en Galicia por quinto día consecutivo e comeza a haber motivos para o optimismo. Hoxe todas as áreas sanitarias da comunidade descenden en casos activos grazas ao enorme número de altas (823) que se rexistraron en toda Galicia. Os 523 casos novos son tres máis que onte, pero 237 menos que os 760 do xoves pasado, que foi a maior cifra nun só día ata o de agora. Ademais, baixan os hospitalizados. Os menores datos de contaxios dos últimos días foron recibidos con gran escepticismo debido a que nalgunhas xornadas procedían dun menor número de tests PCR. Os 523 contaxios de hoxe son o 6,43% de 8.128 probas PCR, mentres que os 760 do xoves pasado eran o 8,34% de 9.112 tests. Fixéronse mil tests menos, pero a clave é que a porcentaxe de probas positivas é case dous puntos menor. Hoxe o número de casos novos da web do Sergas coincide xusto coa diferenza entre o total de infectados desde o inicio da pandemia de hoxe (43.577) e o de onte (43.054), e é de 523 persoas. Nas últimas 24 horas rexistráronse en Galicia 523 novos casos de SARS- CoV-2, 15 falecementos e 823 altas, o que fai que descendan en 315 persoas os casos de coronavirus, pasando dos 9.869 de onte aos de hoxe. O total de hospitalizados diminúe en 7 persoas e pasa dos 611 de onte aos 604 hoxe. O total de casos de coronavirus contabilizados polo Sergas desde o inicio da pandemia é de 43.577. Todas as áreas sanitarias galegas melloran Coronavirus A Coruña: 127 contaxios novos e baixan a 1.855 os casos activos Coronavirus Ferrol: 24 contaxios novos e baixan a 931 os casos activos Coronavirus Santiago: A Estrada e Ribeira en alerta vermella, 64 contaxios e baixan os activos Coronavirus Vigo: 139 contaxios novos e baixan a 2.426 os casos activos Hoxe todas as áreas sanitarias galegas descenden en casos activos A máis afectada continúa sendo Vigo con 2.426 (-37), seguida da Coruña con 1.855 (-66), Pontevedra con 1.250 (-13), Santiago con 1.148 (-38), Lugo 1.064 (-65), Ferrol con 931 (-47) e Ourense con 880 (-49). Novos contaxios por áreas sanitarias A Coruña: 127 Ferrol: 24 Lugo: 64 Ourense: 42 Pontevedra: 63 Santiago: 63 Vigo: 139 Total: 523 O total de falecidos alcanza as 1.039 persoas despois doutros 15 decesos, facendo que haxa xa 420 mortes en nova normalidade. O total de hospitalizados é de 604 persoas, 90 na UCI e 514 en unidades de hospitalización. O total de probas PCR realizadas é de 772.344, 8.138 no día de onte, cunha positividade do 6,43%. Esta semana continúa progresando mellor que a anterior, e de luns a xoves producíronse en toda Galicia 1.825 casos, en comparación cos 2.456 do mesmo período da semana pasada.