BAIXAN OS CASOS ACTIVOS NA ÁREA PONTEVEDRA-SALNÉS

Coronavirus Pontevedra: 63 contaxios novos e baixan a 1.250 os casos activos

Volven baixar os casos activos da área sanitaria de Pontevedra e O Salnés, con menos contaxios que o xoves pasado Coronavirus Galicia: 523 contaxios novos e baixan a 9.554 os casos activos Baixan os casos activos na área sanitaria de Pontevedra e O Salnés grazas a que se producen máis altas que novos contaxios, nunha situación de relativa estabilidade. Seguen os mesmos municipios en alerta vermella. Os 63 contaxios de hoxe son moitos menos que os 93 do xoves pasado. Nas últimas 24 horas producíronse 63 contaxios novos e 76 altas, o que fai que baixen en 13 persoas os casos activos, pasando dos 1.263 de onte a 1.250 hoxe. Poucos cambios nos niveis de alerta da área sanitaria: Bueu baixa a alerta amarela e Ponte Caldelas deixa de estar en alerta. Alerta nivel 3 (vermella): Marín, O Grove, Poio, Pontevedra, Ribadumia, Soutomaior, Sanxenxo, Soutomaior e Vilagarcía de Arousa. Alerta nivel 2 (laranxa): Caldas de Reis e Cambados (63, 2 más). Alerta nivel 1 (amarela): A Lama, Bueu, Cuntis, Meis e Vilaboa. O número de pacientes hospitalizados mantense en 86 persoas, distribuídos en 67 pacientes no CHU de Pontevedra (62 en planta e 5 na UCI), 18 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.302 casos de coronavirus, con 40 falecementos, 3.012 altas e 1.250 casos activos nestes momentos.