EMPEORAMENTO RELATIVO NO ÁREA PONTEVEDRA-SALNÉS

Coronavirus Pontevedra: 57 contaxios novos e soben a 1.156 os casos activos. Empeora a área sanitaria pontevedresa, pero está mellor que o luns pasado.

A área sanitaria de Pontevedra e O Salnés dá un pequeno paso atrás e volve subir en casos activos, con 20 máis que onte, pero a certa distancia dos 1.234 do luns pasado. Nas últimas 24 horas producíronse 57 contaxios novos, 2 falecementos (o Complexo Hospitalario Universitario de Pontevedra (CHOP) notificou dous decesos relacionados coa covid-19: un home de 89 anos que procedía da residencia de maiores de Vilaboa; e outro de 84)

e 36 altas, o que fai que suban en 20 persoas os casos activos, pasando dos 1.136 de onte a 1.156 hoxe.

Cambados conta hoxe con 66 enfermos activos o que supón 6 menos que no día de onte.

A área sanitaria pontevedresa segue cunha incidencia moi alta, especialmente en concellos como Meaño, A Lama e Vilaboa. O número de pacientes hospitalizados soben de 57 a 62 persoas, distribuídos en 52 pacientes no CHU de Pontevedra (44 en planta e 8 na UCI), 5 no Hospital Público do Salnés e 5 no Quirónsalud de Pontevedra.  

No área sanitaria de Pontevedra-O Salnés desde o inicio da pandemia tivo 5.466 casos de coronavirus, con 54 falecementos, 4.256 altas e 1.156 casos activos nestes momentos.