BAIXAN DE NOVO OS CONTAXIOS DE NOVO E MENOS PCR´s FEITAS

Coronavirus Galicia: 383 contaxios novos e baixan a 9.952 os casos activos Baixan por terceiro día consecutivo os casos activos en Galicia e hai menos contaxios novos, pero procedendo dunha cantidade de tests menor. Descende por terceiro día consecutivo o número de casos activos de coronavirus en Galicia e rexístranse 383 contaxios, menos que onte (399) e menos tamén que o martes da semana pasada (448). Con todo, os datos de hoxe proceden dunha cantidade de tests menor que o martes pasado (4.343 fronte a 5.883) cunha porcentaxe de positivos maior (8,81% fronte a 7,61%). En calquera caso, parece que o número de contaxios diario deixou de empeorar e veremos se nos próximos días mantense o descenso en casos activos. Este descenso no número de casos novos non se debe ao peche da hostalería, dado que os datos de hoxe proceden das probas PCR realizadas o domingo, e os contaxios producíronse na súa gran maioría a principios da semana pasada. Na web de datos do Sergas di que nas últimas 24 horas confirmáronse 350 de COVID-19 por PCR, pero a diferenza entre o total de infectados desde o inicio da pandemia de hoxe (42.534) e o de onte (42.151) é de 383 persoas. Do mesmo xeito, os novos contaxios por área sanitaria son calculados da mesma maneira. Nas últimas 24 horas rexistráronse en Galicia 383 novos casos de SARS- CoV-2, 21 falecementos e 425 altas, o que fai que descendan en 63 persoas os casos de coronavirus, pasando dos 10.015 de onte aos 9.952 de hoxe. O total de hospitalizados ascende en 4 persoas e pasa dos 605 de onte aos 609 hoxe. O total de casos de coronavirus contabilizados polo Sergas desde o inicio da pandemia é de 42.151. Só A Coruña e Lugo empeoran Coronavirus A Coruña: Coristanco en alerta vermella, 70 contaxios e soben a 1.898 a activos A área sanitaria máis afectada continúa sendo Vigo, con 2.455 casos activos (-14), seguida da Coruña con 1.898 (+11), Pontevedra con 1.247 (-7), Santiago con 1.170 (-39), Lugo con 1.148 (+32), Ourense con 1.021 (-14) e Ferrol con 1.013 (-32). Os 383 contaxios de hoxe concéntranse sobre todo na Coruña e Vigo, con case a metade de todos os casos novos, mentres que destaca o descenso en Ferrol e Santiago. Novos contaxios por áreas sanitarias A Coruña: 70 Ferrol: 20 Lugo: 52 Ourense: 45 Pontevedra: 45 Santiago: 33 Vigo: 118 Total: 383 O total de falecementos desde o inicio da pandemia superou onte os 1.000, ao sumar outras 21 mortas que fan un total de 1.009 desde o inicio da pandemia. Nesta segunda onda rexistráronse xa 390 mortes. O total de hospitalizados é de 609 persoas, divididas entre 95 pacientes de UCI e 514 en unidades de hospitalización. O total de probas PCR é de 756.759, delas 4.343 nas últimas 24 horas, cun 8,81% de positividade.  

Esta semana comezou moito mellor que a pasada, e nos dous primeiros días rexistráronse 782 novos casos de coronavirus, en comparación cos 1.052 dos dous primeiros días da semana pasada.