PONTEVEDRA-SALNÉS: MENOS CONTAXIOS E CAMBADOS BAIXA A ALERTA LARANXA

Coronavirus Pontevedra: 45 contaxios novos e baixan a 1.247 os casos activos

Baixan os casos activos na área sanitaria de Pontevedra e O Salnés por primeira vez desde o 16 de outubro, e Cambados deixa de estar en alerta vermella. Coronavirus Galicia: 383 contaxios novos e baixan a 9.952 os casos activos Mellora por primeira vez en semanas a área sanitaria de Pontevedra e O Salnés, e ademais Cambados deixa de estar en alerta vermella. Hoxe prodúcense ademais menos contaxios do habitual, aínda que hai que aclarar que os 45 positivos de hoxe proceden de só 418 probas (10,76% de positivos), mentres que os 77 do martes pasado viñan de 702 probas (10,96% de positivos). Nas últimas 24 horas producíronse 45 contaxios novos, 1 falecemento e 51 altas, o que fai que baixen en 7 persoas os casos activos, pasando dos 1.254 de onte a 1.247 hoxe. Cambados baixa a alerta laranxa, Ponte Caldelas baixa a alerta amarela e A Lama e Forcarei deixan de estar en alerta. Alerta nivel 3 (vermella): Marín, O Grove, Poio, Pontevedra, Ribadumia, Sanxenxo e Vilagarcía de Arousa. Alerta nivel 2 (laranxa): Bueu, Cambados (sigue en 61 casos)e Caldas de Reis. Alerta nivel 1 (amarela): Cuntis, Meis, Ponte Caldelas e Vilaboa. O número de pacientes hospitalizados sobe de 78 a 80 persoas, distribuídos en 58 pacientes no CHU de Pontevedra (53 en planta e 5 na UCI), 21 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.130 casos de coronavirus, con 39 falecementos, 2.889 altas e 1.247 casos activos nestes momentos.