BAIXAN EN 100 OS ENFERMOS EN PONTEVEDRA-SALNÉS DESDE O DOMINGO PASADO

Coronavirus Pontevedra: 58 contaxios novos e baixan a 1.136 os casos activos.

A área pontevedresa termina a semana con 99 infectados menos que a anterior. Volve mellorar un día máis a área sanitaria de Pontevedra e O Salnés, e afástase deses 1.200 casos nos que oscilaba. A área termina a semana con 99 casos menos que o domingo pasado (eran 1.235) e con 423 contaxios novos, unha cifra inferior aos 503 da anterior. Nas últimas 24 horas producíronse 58 contaxios novos, 1 falecido ( un home de 79 anos no Hospital Domínguez de Pontevedra) e 88 altas, o que fai que baixen en 31 persoas os casos activos, pasando dos 1.167 de onte a 1.136 hoxe.

Cambados volve a subir a cifra de enfermos, pasa dos 70 de onte a 72 de hoxe, estabilizándose en torno aos 70 enfermos.
A área sanitaria pontevedresa segue cunha incidencia moi alta, especialmente en concellos como Meaño, A Lama e Vilaboa. O número de pacientes hospitalizados soben de 56 a 57 persoas, distribuídos en 47 pacientes no CHU de Pontevedra (41 en planta e 6 na UCI), 5 no Hospital Público do Salnés e 5 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 5.409 casos de coronavirus, con 53 falecementos, 4.220 altas e 1.136 casos activos nestes momentos.