ÁREA PONTEVEDRA-SALNÉS SUBEN OS HOSPITALIZADOS, BAIXAN OS ACTIVOS

Coronavirus Pontevedra: Vilanova en alerta vermella, 84 contaxios e baixan a 1.235 os activos

Poio abandona a alerta vermella, e a área sanitaria rexistra máis casos que o venres pasado. Volve mellorar lixeiramente a área sanitaria de Pontevedra e O Salnés, que suma un municipio máis en alerta vermella (Vilanova de Arousa) pero resta outro (Poio), quedándose co mesmo número de concellos en máxima alerta. Os 84 contaxios de hoxe son máis que os 64 do venres pasado. Nas últimas 24 horas producíronse 84 contaxios novos, 1 falecemento (unha mulleres de 96 anos perdeu a vida no Complexo Hospitalario Universitario de Pontevedra) e 98 altas, o que fai que baixen en 15 persoas os casos activos, pasando dos 1.250 de onte a 1.235 hoxe. Ademais da subida de Vilanova de Arousa a alerta vermella, Poio baixa a alerta laranxa, A Lama e Meis soben a alerta laranxa e Cuntis deixa de estar en alerta. Alerta nivel 3 (vermella): Cambados (74, +4), Marín, O Grove, Pontevedra, Sanxenxo, Vilanova de Arousa e Vilagarcía de Arousa. Alerta nivel 2 (laranxa): A Lama, Caldas de Reis, Meis, Poio e Vilaboa Alerta nivel 1 (amarela): Bueu, Cerdedo-Cotobade, Meaño, Ribadumia e Soutomaior. O número de pacientes hospitalizados sobe de 62 a 68 persoas, distribuídos en 59 pacientes no CHU de Pontevedra (53 en planta e 6 na UCI), 6 no Hospital Público do Salnés e 3 no Quirónsalud de Pontevedra. A área sanitaria de Pontevedra-O Salnés desde o inicio da pandemia tivo 4.846 casos de coronavirus, con 45 falecementos, 3.566 altas e 1.235 casos activos nestes momentos.