A área sanitaria de Pontevedra e O Salnés baixa este venres, 16 de outubro, a un total de 401 casos activos, 18 menos que no día de onte. Todo grazas as cincuenta altas (2.090 desde o inicio da pandemia) na última xornada, malia que se confirmaron 32 novos contaxios.
A situación nos hospitais da área permanece igual, ingresados 14 pacientes, dos que 11 están en Montecelo e 3 no Salnés e dúas persoas continúan ingresadas na Unidade de Coidados Intensivos do centro hospitalario pontevedrés. O resto de contaxiados, un total de 385, continúan a evolución nos seus domicilios.
O número de pacientes falecidos na área sanitaria de Pontevedra e O Salnés é de 25 pacientes.
Nas últimas 24 horas, os profesionais do Sergas realizaron 541 test PCR, que engrosan a cifra de 52.918 realizadas desde o inicio da pandemia no norte da provincia.
No nivel 2 permanecen Pontevedra e Vilagarcía, así como Poio pola tendencia crecente dos últimos 7 días.
Un chanzo por baixo nesta clasificación sitúanse os concellos de Marín, Sanxenxo, Caldas, Cambados (20 enfermos) e Vilanova de Arousa (19 casos), 2 e 1 máis respectivamente.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.