A área sanitaria de Pontevedra e O Salnés segue, un día máis, como a segunda zona sanitaria de Galicia con máis casos activos de coronavirus, só Coruña a bastante é que na área coruñesa seguen unha tendencia ao descenso de casos mentres que en Pontevedra non pairan de crecer.
O balance oficial facilitado este domingo di que nas últimas 24 horas contabilizáronse 27 novos contaxios. Así, hai 826 casos activos nesta área sanitaria, 16 máis que o sábado, e curáronse 11 pacientes.
Mantense a cifra de pacientes ingresados do sábado, 19, aínda que cunha distribución diferente. Así, baixaron de seis a cinco os pacientes con Covid-19 na unidade de Coidados Críticos do Hospital Montecelo, pero subiron de 13 a 14 as persoas ingresadas en planta de hospitalización.
Este domingo hai 11 pacientes ingresados en planta no Complexo Hospitalario Universitario de Pontevedra, un no Hospital QuirónSalud Miguel Domínguez Pontevedra e dous no Hospital do Salnés. Os cinco de UCI están en Montecelo.
Os 807 casos activos restantes atópanse, segundo os datos oficiais, en seguimento domiciliario.
Desde o inicio do plan de continxencia da Covid-19, curáronse 1.257 pacientes e faleceron por este virus na área sanitaria 19 pacientes.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.