Ao contrario que a tendencia xeral de Galicia onde o número de afectados por coronavirus baixa por segunda xornada consecutiva, a área Sanitaria de Pontevedra e O Salnés segue co aumento de novo casos.
Segundo o balance do SERGAS de hoxe a área pontevedresa diagnosticou 28 novos contaxios de COVID, contrarestados polas 19 altas que se produciron nas derradeiras 24 horas.
En total en Pontevedra e O Salnés contabilízanse actualmente 667 casos activos.
O dato positivo do último balance atópase na cifra de hospitalizacións, que se reduce en tres persoas deixando o total de ingresados en 21. Deles 14 atópanse en planta do Hospital de Montecelo, 2 no QuirónSalud Miguel Domínguez e 5 seguen evolucionando na Unidade de Coidados Intensivos (UCI).
Desde o inicio da pandemia na comarca superou o COVID 1.179 pacientes, e producíronse 19 falecementos asociados ao virus.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.