GALICIA SEGUE UNHA TENDENCIA ALCISTA REGULAR EN TORNO AOS 300 CASOS DIARIOS

O reconto de casos de coronavirus activos en Galicia aumentou este sábado en 55, o que eleva o total ata os 4.137. Trátase dun aumento inferior ao de xornadas anteriores, pero a tendencia aínda segue lonxe de reverterse e deixar de permanecer á alza. O número de altas nas últimas 24 horas foi de 238 que sumadas aos 55 activos deixan un balance de 293 novos contaxios. Por áreas sanitarias, o maior incremento no número de casos activos é o de Pontevedra, que pasa de 279 a 308 casos activos --29 máis--, mentres que a que máis pacientes ten segue sendo a da Coruña, con 1.446, aínda que só sobe nun con respecto ao día anterior.

En Vigo, pola súa banda, aumentan en 10 os casos activos, de 327 a 337, e en Ourense hai cinco máis --de 412 a 417--. En área de Santiago e A Barbanza rexistra 677 casos activos, catro máis que na xornada anterior e a de Ferrol é a única que experimenta un descenso, dous casos menos, ata 148. En canto ao grao de afectación da enfermidade, 17 dos pacientes están en UCI (dúas máis que onte), 177 atópanse noutras unidades de hospitalización e 3.943, o resto, pasan a enfermidade nos seus domicilios. O número de falecementos mantense en 656 (sen cambios respecto a onte) e o de altas emitidas ata o de agora ascende a 13.438.