AS ALTAS E OS FALECEMENTOS FAN QUE BAIXE O TOTAL DE ENFERMOS EN GALICIA

Os servizos sanitarios galegos detectaron onte, sábado, un total de 218 positivos por coronavirus. Así o reflicte o balance diario ofrecido este domingo pola Consellería de Sanidade, no que por outra banda se constata unha redución dos casos activos respecto a onte: de 4.365 pasan hoxe a 4.350. Na última semana, os novos contaxios diarios movéronse entre os 209 e os 276.

A situación hospitalaria rexistra un aumento no total de persoas en unidades de non críticos: son 207, sete máis, mentres que os ingresados en UCI mantéñense en 29. Os falecementos sitúanse en 715, despois de que tres persoas falecesen nas últimas horas, unha delas na residencia DomusVi Lugo e as outras dúas no HULA lucense. As altas, pola súa banda, suman 16.758, 233 máis que onte. En canto aos falecementos, nas últimas 24 horas producíronse outros cinco e o total de vítimas da pandemia ascendeu a 715. En canto ás áreas sanitarias, Ourense encabeza esta vez o índice de incrementos, con 18 casos máis que onte. Séguenlle Santiago (637, once máis); Vigo (440, nove máis); Pontevedra (658, sete máis); Vigo (440, nove máis) e Ferrol (184, tres máis). Pola contra, os pacientes só redúcense en Lugo (726, 19 menos) e A Coruña (1.178, 45 menos). O ámbito no que máis notablemente empeora a situación é o das residencias, onde 38 persoas deron positivo nas últimas horas.