UN ACCIDENTE LABORAL NO POLÍGONO DE CAMBADOS SÁLDASE CON UN FERIDO

Hoxe producíase un accidente laboral no polígono cambadés de Sete Pías. Ao fío das 15 horas, un empregado da empresa  Dozen sufriu unha caída desde dous ou tres metros de altura, polo que foi evacuado ao Hospital Domínguez de Pontevedra pola ambulancia do 061.

O mozo, A. F. R., de 32 anos e veciño de Vilagarcía, queixábase de dor lumbar e, posiblemente segundo o Servizo de Emerxencias de Cambados, podería ter fracturado o nocello dereito.

O operativo de resposta á emerxencia incluíu ao 061, Protección Civil, Policía Local e Garda Civil, que instrúe as dilixencias.