CAMBADOS CAMBIARÁ O MODELO DE MOBILIDADE EN TODO O CONCELLO

Cambados debe cambiar o seu modelo de mobilidade ou polo menos darlle un envorco de importancia ao que rexe nestes momentos. Por iso o goberno municipal ha encargado a elaboración dun plan que documente os principais problemas que ten o termo municipal centro pero tamén os principais núcleos rurais. Diso vaise encargar a empresa Terravanza, un gabinete de estudos especializado na planificación territorial que deberá ter terminado o seu traballo en febreiro do próximo ano. Mañá manterán a primeira reunión as dúas partes, a concellería que se encarga do tema e técnicos da empresa para empezar a matizar ideas e conceptos. No caso do concello parece que teñen moi claro e considera que hai que protexer as áreas urbanas e núcleos rurais máis sensibles da presenza do automóbil, promover os desprazamentos mediante modos non motorizados, racionalizar o uso do coche privado, fomentar o estacionamento nos lugares acondicionados e máis adecuados e lograr unha distribución urbana das mercadorías máis eficaz e que interfira menos no uso do espazo público. A partir de aí a empresa fará o estudo para propoñer cambios que supoñan cambios para conseguir o máis cómodo e seguro posible por Cambados, reducindo os niveis de contaminación acústica á vez que reducir de forma importante emisións de co2 á atmosfera.