O incremento de afectados de coronavirus na área sanitaria Pontevedra-Salnés dispárase. Segundo o balance oficial ofrecido este luns 24 de agosto pola Consellería de Sanidade. A suba de casos do sábado para o domingo foi de 27 positivos rexistrados. E o aumento de onte a hoxe foi nesta ocasión de 24 novos contaxiados.
Finalmente os 'casos activos' que sinala o Servizo Galego de Saúde chega ata os 141 en Pontevedra e O Salnés, 21 máis que onte ao restarlle as tres altas epidemiolóxicas concedidas no dia de onte.
Dous dos enfermos seguen os tratamentos na Unidade de Coidados Intensivos (UCI) do Hospital de Montecelo. Son os únicos enfermos ingresados en centros hospitalarios e que precisan coidados sanitarios. O resto dos enfermos, 139, pasan a enfermidade nos seus domicilios. A pesar do elevado da cifra de contaxios nas dúas últimas xornadas, a Xerencia da área sanitaria segue sen confirmar a existencia de brotes concretos.
Estas cifras oficiais acércanse as oficiosas que falan de 151 enfermos e 3 deles na UCI. A pesar de ter PCR negativa un deles é tratado como enfermo COVID, polos síntomas que presenta. A última hora da mañán (todos os datos son de onte) había entre 8 e 10 enfermos de diversas patoloxías pendientes de ingresar.
Desde o inicio da pandemia superaron o Covid-19 un total de 958 persoas na área sanitaria, onde se produciron 17 falecementos asociados ao virus.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.