SUBEN OS CASOS NA MARIÑA, BAIXA O NIVEL DE CONFINAMENTO

Lonxe de descender os casos diarios de coronavirus na Mariña lucense prosigue o avance e hoxe súmanse 17 casos máis.
A pesares desto o conselleiro Jesús Vázquez Almuiña, acompañado polo xerente do Sergas, Antonio Fernández-Campa, e o director xeral de Saúde Pública, Andrés Paz-Ares, avanzou que os sete municipios do interior da comarca (en total compóñena catorce) quedarán a partir de mañá libres das restricións vixentes desde este luns. A razón diso é a baixa incidencia acumulados no últimos tres días, con poucos ou ningún contaxio rexistrados en devanditos concellos, polo que a Consellería considera que o risco é escaso.

O escenario será, en cambio, distinto na costa, onde o impacto do rebrote foi maior: en Viveiro, Xove, Cervo, Foz, Barreiros e Ribadeo a mobilidade permitida restrinxirase unicamente a desprazamentos entre eles, polo que os residentes xa non poderán ir aos municipios do interior, como si puideran facer ao longo desta semana. Por último, Burela, epicentro do foco e que acumula o 80 por cento dos casos, queda desde esta medianoite totalmente pechado ao exterior.

A Consellería de Sanidade informa que ata esta mañá confírmanse outros 17 casos activos de persoas afectadas por covid-19 no brote de A Mariña. Os novos casos detectados pola Plataforma de Vixilancia e Control Epidemiolóxica e polos Servizos de Medicina Preventiva e Saúde Pública do Sergas elevan a 182 o número de casos activos dentro deste brote. Hai que salientar, tamén que xa se produciron 27 altas epidemiolóxicas de persoas que eran positivas e que xa están curadas.

Así mesmo, destacar que os novos positivos que se produciron están relacionados co brote, o que permite seguir a garantir a trazabilidade dos casos e continuar na mesma estratexia de busca activa de contactos e realización de todas as probas necesarias de forma precoz para cortar canto antes a transmisión e conter o brote.

O primeiro caso de infección por covid-19 detectouse o martes 23 de xuño. A partir desta confirmación inicial, fíxose un rastrexo e analizáronse todos os contactos das persoas que se foron vendo afectadas.

Desde a detección do primeiro positivo, activouse de forma inmediata o protocolo de seguimento e realizáronse as probas PCR a todos os contactos estreitos das persoas que deron positivo, actuacións que se seguen a desenvolver nestes momentos, pois tanto a Consellería de Sanidade como o Servizo Galego de Saúde seguen a investigar e a rastrexar todos os contactos dos novos positivos, así como a adoptar todas as medidas necesarias para o eficaz control do brote.

Dos 182 casos activos a maioría son asintomáticos ou presentan síntomas de carácter leve, e teñen a obriga de gardar corentena durante 14 días. Cinco persoas con Covid-19 atópanse ingresadas no Hospital Público da Mariña e a súa evolución é favorable. Do mesmo xeito, as persoas cuxas probas deron resultado negativo permanecen en seguimento no seu domicilio, asesorados pola Plataforma de Vixilancia Epidemiolóxica e os Servizos de Medicina Preventiva e Saúde Pública do Sergas. A Consellería de Sanidade segue a investigar posibles contactos dos novos positivos que van xurdindo.