MANTENSE O NÚMERO DE ENFERMOS A PESAR DAS ALTAS DA FIN DE SEMANA

Como cada fin de semana multiplícanse as altas por coronavirus. Pero agora son menos destacadas por la incidencia dos brotes na Mariña, O Barbanza ou Vigo.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 259, deles 22 son da área da Coruña, 203 da de Lugo, 5 da de Ourense, 4 da de Pontevedra, 10 da área de Vigo, 14 da de Santiago, e 1 da de Ferrol.

Do total de pacientes positivos, 1 permanece en UCI, 3 están en unidades de hospitalización e 255 no domicilio. Polo de agora, en Galicia hai un total de 10.926 persoas curadas, rexistrándose 619 falecementos.

O número de PCR realizadas é de 213.244.

Os casos de coronavirus activos na área sanitaria de Lugo, onde se atopa o foco da comarca da Mariña detectado a finais de xuño, seguen crecendo. A Consellería de Sanidade informou este sábado que a cifra de contaxiados na provincia é actualmente de 203, sete máis que onte. A suma contratasta co resto de áreas, na maioría das cales o total se reduce ou se mantén estable: na Coruña quedan 22 positivos (tres menos que onte), en Vigo, 10 (seis menos); en Pontevedra, catro (igual); en Santiago, 14 (igual); e en Ferrol 1 (sen cambios). Só soben en Ourense, que pasa de dous onte a cinco hoxe. O cómputo global da Comunidade, pola súa banda, segue en 256, igual que na véspera. En canto á situación asistencial dos pacientes: tres atópanse en unidades de hospitalización, un en UCI e o resto, 255, gardan corentena domiciliaria. O total de curados ascende a 10.926 (28 máis que onte) e hai un traballador de residencias, concretamente do centro de maiores de Burela, contaxiado agora mesmo.