HAI MÁIS NOVOS ENFERMOS DE CORONAVIRUS QUE ALTAS

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 256, deles 24 son da área da Coruña, 151 da de Lugo, 3 da de Ourense, 3 da de Pontevedra, 60 da área de Vigo, 13 da de Santiago, e 2 da de Ferrol.

Do total de pacientes positivos, 7 están en unidades de hospitalización e 249 no domicilio, un máis que onte. Non hai pacientes positivos en UCI. Polo de agora, en Galicia hai un total de 10.817 persoas curadas, rexistrándose 619 falecementos.

O número de PCR realizadas é de 201.666.

O rebrote de coronavirus na comarca galega da Mariña, en Lugo, parece conterse, polo menos segundo os datos das últimas 24 horas. A Consellería de Sanidade cifrou este martes en 151 os casos activos na área sanitaria lucense, oito máis que a cifra rexistrada onte. O salto supón unha redución de máis da metade dos novos positivos detectados o luns (26). A estes datos hai que sumar un novo positivo na área de Pontevedra e 7 altas epidemiolóxicas. O que fai que aumente en 2, os casos de positivos activos de 254 a 256. O total de falecidos é de 619. A última vítima foi notificada o 10 de xuño, que se corresponde cun home de 83 anos que estaba ingresado no Complexo Hospitalario Universitario de Vigo.