Galicia volve pasar a barreira dos 200 casos activos de coronavirus, con 217, segundo informou Sanidade. Tras conseguir baixar desa cifra o pasado martes, cando os infectados descenderon ata os 178, e caer aínda máis o xoves, ata os 163, desde entón retomouse unha senda alcista, en plena aparición de novos focos. O último, no Saviñao, sen esquecer o caso do CF Fuenlabrada, confinado nun hotel da Coruña con boa parte da súa expedición contaxiada. En tres días o salto de casos chega ao medio centenar. Nestes momentos, de acordo co último balance, hai 59 casos na área sanitaria da Coruña (+7), 85 en Lugo (+5), 6 en Ourense, 19 en Pontevedra (+4), 35 en Vigo (+3), 13 en Santiago (+2) e segue libre de virus Ferrol. Continúa un só paciente en UCI, pero hai un hospitalizado máis en planta, pasando de 10 a 11. 205 persoas afrontan a enfermidade nos seus domicilios, con 11.220 persoas xa curadas e sen que haxa que lamentar falecementos (segue en 619 o total) no último mes e medio. En canto ás residencias sociosanitarias, non hai novidades: continúa infectada unha traballadora da residencia de maiores de San Bartolomeu, en Xove, na Mariña lucense, pero ningún dos usuarios deu positivo, tras realizarse nun primeiro momento un centenar de PCR.
1 comentario:
E todo e culpa da iresponsabilidade da xente tiña que multalos con 3000e por non poñer a mascarilla, si e que nos extinguimos solos
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.