BAIXAN OS CASOS DE COVID-19 NO DÍA QUE MENOS PROBAS SEN FAN

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 253, deles 19 son da área da Coruña, 199 da de Lugo, 4 da de Ourense, 5 da de Pontevedra, 11 da área de Vigo, 14 da de Santiago, e 1 da de Ferrol.

Do total de pacientes positivos, 1 permanece en UCI, 4 están en unidades de hospitalización e 248 no domicilio. Polo de agora, en Galicia hai un total de 10.940 persoas curadas, rexistrándose 619 falecementos.

Caen por primeira vez en varios días os casos de coronavirus activos na provincia de Lugo e na comarca lucense da Mariña. A Consellería de Sanidade informou este domingo de que o total de pacientes en tratamento nesta área sanitaria é de 199, catro menos que os contabilizados onte; mentres que na Mariña é de 186, un menos. Tamén se reduce o cómputo global da Comunidade, que pasa de 259 onte a 253 hoxe. Unha baixada no foco da Mariña tras máis dunha semana con incremento de positivos e que coincide coa realización de menos PCs e coas eleccións galegas que se celebran este domingo. A través dun comunidado, o departamento autonómico ha explicado que na xornada de onte detectáronse catro novos positivos dun total de 135 PCR realizadas na comarca afectada, o que supón unha baixa porcentaxe respecto ao 20 por cento diario dos primeiros días. En total fixéronse ata o de agora 3.480 probas vinculadas ao foco.

A área sanitaria de Pontevedra e O Salnés rexistrou un aumento nos casos de coronavirus. Este domingo 12 de xullo contabiliza cinco casos activos de coronavirus, un máis que 24 horas antes. dous casos máis desde o xoves pasado.

En todo caso, trátase de casos leves. Do mesmo xeito que os tres que xa se contabilizaban o xoves, este cuarto tamén se atopa no seu domicilio.