20 ENFERMOS MÁIS EN GALICIA POR COVID-19

O número de casos activos de coronavirus en Galicia aumentou en catro ata os 317 este xoves, mentres que as persoas curadas incrementáronse ata as 10.649, o que supón 16 máis. Así se reflicte nos datos actualizados este xoves pola Consellería de Sanidade, que indica que do total de pacientes positivos catro en atopan en unidades de hospitalización un máis que este mércores e 313 en seguimento domiciliario, tres máis con respecto á xornada pasada, mentres que as UCIs galegas seguen sen casos COVID. Dos 317 casos positivos, 122 corresponden á área de Vigo (seis menos que este mércores) 73 á da Coruña e Cee (tres máis) 24 á de Santiago e Barbanza (uno máis); 18 á de Ourense (dúas menos); 64 á de Lugo (12 máis); 10 á de Ferrol (igual) e seis á de Pontevedra (catro menos).
Sanidade sinala que, ata a data, curáronse en Galicia 10.649 persoas e faleceron 619 pacientes con COVID. A última vítima foi notificada o 10 de xuño, que se corresponde cun home de 83 anos que estaba ingresado no Complexo Hospitalario Universitario de Vigo. Do total, 274 estaban vinculadas con residencias. O número de PCR realizadas ata a data na Comunidade galega ascende a 188.328 fronte ás 185.374 rexistradas este mércores.

Pontevedra-Salnés

Tras varias xornadas sen cambios, móvese para ben a evolución do coronavirus na área sanitaria de Pontevedra e O Salnés.

Segundo os datos actualizados esta mañá pola Consellería de Sanidade, nas últimas 24 horas rexistrouse un importante descenso no número de casos activos de covid.

Déronse de alta catro pacientes e a área queda con seis casos positivos que permanecen pasando a enfermidade nos seus domicilios.

Desde o inicio do plan de continxencia da Covid-19 curáronse 897 pacientes e pola contra faleceron 16 persoas.