REDUCCIÓN MÍNIMA DE ENFERMOS ACTIVOS EN GALICIA POR COVID-19

Volven descender os casos activos de coronavirus en Galicia. Tras repuntar levemente este martes, o último balance difundido pola Dirección Xeral de Saúde Pública da Consellería de Sanidade consigna 341 positivos, fronte aos 349 da véspera, o que supón unha diminución de oito pacientes. O número de pacientes hospitalizados por Covid-19 tamén se recorta levemente, pasando de oito a sete; ningún deles, do mesmo xeito que 24 horas antes, ocupa unha cama UCI. Segundo o Sergas, a repartición de casos activos por áreas sanitarias é o seguinte: 109 na Coruña, 17 en Lugo, 25 en Ourense, 7 en Pontevedra, 141 en Vigo, a máis afectada, 30 en Santiago e 12 en Ferrol. En total, 10.503 persoas xa se curaron de coronavirus, cos falecementos estancados en 619. Leváronse a cabo 161.195 PCR. Nas residencias, a taxa de incidencia sitúase no 0,02%. Menos casos en residencias No caso das residencias sociosanitarias, a Consellería de Política Social comunica a curación de dous traballadores do centro de maiores de San José, Hermanitas (Ourense). Desta forma, permanecen activos cinco usuarios de xeriátricos e catro traballadores, nove en total.

O balance de afectados de Covid-19 na área sanitaria mellora este mércores tras darse unha alta polo que son 7 os casos activos, un menos que onte martes.

Por sétimo día consecutivo non se contabilizan novos test positivos.

Ningún paciente con positivo activo permanece ingresado nos centros hospitalarios da comarca, polo que todos eles evolucionan nos seus respectivos domicilios.

Desde o inicio da pandemia curáronse na área sanitaria 892 persoas afectadas de Covid-19, e producíronse 16 falecementos asociados co virus.