LENTA MELLORÍA EN GALICIA

No novo balance do Sergas, nova xornada sen vítimas mortais por coronavirus en Galicia. A Dirección Xeral de Saúde Pública da Consellería de Sanidade informa, en paralelo, dun leve repunte de casos activos: pasan de 341 a 343 (+2), sumando as altas fai que haxa 5 casos máis en total. De acordo co último reconto, distribúense da seguinte forma por áreas sanitarias: 109 na Coruña, 18 en Lugo, 25 en Ourense, 7 en Pontevedra, 141 en Vigo, 31 en Santiago e 12 en Ferrol. As boas noticias seguen chegando desde os centros hospitalarios: baixan de 7 a 6 os pacientes que ocupan unha cama de hospital mentres as UCI seguen baleiras de enfermos Covid. Nun goteo máis lento que en pasadas semanas, os curados ascenden xa a 10.506 (+3). Pero sen dúbida a mellor das noticias é que a cifra de falecementos, aínda que avultada, segue estancada desde fai máis dunha semana en 619 óbitos. O Sergas comunica que as PCR realizadas na Comunidade suman xa 162.562.

Sin novos test de coronavirus positivos na área Pontevedra-O Salnés.

O balance ofrecido este xoves 18 de xuño pola Concellería de Sanidade, mantén a cifra de casos activos na área sanitaria nos 7, o mesmo que onte mércores. Todos os casos   activos na área sanitaria evolucionan nos seus domicilios.

Segundo eses datos, nas últimas horas non se rexistraron altas epidemiolóxicas, polo que a cifra de curados mantense nas 892. Pola súa banda os falecementos asociados ao Covid-19 segue sendo de 16 desde hai semanas.