DE NOVO HAI QUE CONTAR FALECEMENTOS POR COVID-19 EN GALICIA

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 678, deles 147 son da área da Coruña, 39 da de Lugo, 60 da de Ourense, 25 da de Pontevedra, 257 da área de Vigo, 130 da de Santiago, e 20 da de Ferrol.

Do total de pacientes positivos, 1 permanecen en UCI, 28 están en unidades de hospitalización e 649 no domicilio. Polo de agora, en Galicia hai un total de 10.033 persoas curadas, rexistrándose 617 falecementos, o  último na xornada de onte.

O número de PCR realizadas é de 145.644.

Tras chegar aos 138 pacientes ingresados a principios de abril e experimentando un descenso continuado desde entón, os hospitais galegos rexistran este mércores un só enfermo por coronavirus baixo tratamento nas unidades de críticos. En total, a hospitalización sitúase nos 28 pacientes e os falecidos, en 617, a última, unha muller de 76 anos que estaba ingresada no Hospital Lucus Augusti e que presentaba patoloxías previas. Desta forma, o Sergas constata que desde o inicio da pandemia morréronse 485 en atención hospitalaria e 132 dentro de residencias de maiores. Os días sen mortes atribuídas á pandemia en hospitais foron os pasados 29 de abril, 14, 18, 19, 25, 27, 28, 29, 31 de maio, e 1 de xuño. A taxa de contaxios nos últimos 15 días, ademais, é de 0,7 por cada 100.000 habitantes, sendo a media estatal do 5,8, puntualizou o presidente.