Nova xornada sen falecidos en Galicia a causa do coronavirus, que se manteñen en 616, e novo descenso do número de casos activos, que a día de hoxe son 707, 15 menos ca onte.
Nas residencias, xa son máis os traballadores afectados (39) ca os propios usuarios (36). Nos dous casos continúa descendendo o número de enfermos.
A distribución por áreas sanitarias é a seguinte:
• Vigo: 259 (-3).
• A Coruña: 158 (-4).
• Santiago: 135 (=).
• Ourense: 68 (-7).
• Lugo: 39 (-1).
• Pontevedra: 28 (=).
• Ferrol: 20 (=).
Hai un paciente máis ca onte en UCI, co que son 3 en total os que precisan coidados intensivos. En planta hai a día de hoxe 27 enfermos coa COVID-19, 5 menos ca onte, e 677 permanecen no domicilio (11 máis ca onte). Polo de agora, en Galicia hai un total de 9.991 persoas curadas, tras as 21 altas que se deron onte. Faleceron ata agora 616 persoas.
O número de PCR realizadas é de 144.226.
A actualización da Consellería de Sanidade sobre a afectación o coronavirus na área de Pontevedra e O Salnés a sitúa como a segunda área sanitaria galega con menor número de casos activos, só por detrás de Ferrol.
Por terceiro día consecutivo mantense a cifra de 28 casos activos, con ningún paciente ingresado nin en planta nin na Unidade de Coidados Intensivos, xa que todos eles evolucionan nos seus domicilios.
Ademais nas últimas horas 1 paciente recibiu o alta epidemiolóxica, polo que se deduce que é o mesmo número que novos positivos detectados. Así, desde o inicio da pandemia curáronse 859 persoas afectadas de coronavirus na área sanitaria, manténdose estable a cifra de 16 falecidos por esta causa.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.