AUMENTAN OS ENFERMOS DE COVID-19 EN GALICIA

A Consellería de Sanidade cifrou este xoves en 333 o total de contagios de coronavirus activos nestes momentos en Galicia. O dato supón un aumento de dous pacientes respecto a onte, día no que tamén se informou da detección dun rebrote na comarca lucense da Mariña con polo menos oito positivos, todos eles membros dunha mesma familia. Si sumamos as altas, (9 máis) danos un total de 11 enfermos máis. Neste sentido, a Consellería precisou na tarde de onte que 40 persoas potencialmente ligadas a este novo foco gardan corentena preventiva nos seus domicilios. Delas, catro deran negativo nas probas realizadas e outras 25 atopábanse pendentes de resultado. Ademais deses oito casos, tamén foron detectados polo menos outros dous na comarca da Mariña, dos que un é un veciño de Burela de 71 anos que tivo que ingresar o mércores no hospital e a outra unha muller que foi sometida a análise antes de recibir unha intervención cirúrxica. A situación asistencial da Comunidade, pola súa banda, resúmese en cinco hospitalizados (unha máis respecto a a actualización de onte; aínda que ningún deles atópase en UCI) e 328 persoas (tamén unha máis) recibindo atención telemática desde os seus domicilios. As altas ascenden a 10.563 (nove máis) e os falecidos a 619, número que se mantén invariable desde fai xa máis dunha semana. En canto á localización dos afectados, Sanidade detalla que a distribución por áreas sanitarias é a seguinte: 102 concéntranse no da Coruña, 27 na de Lugo, 22 na de Ourense, 8 na de Pontevedra, 135 na de Vigo, 28 na de Santiago e 11 na de Ferrol. Non hai cambios na situación das residencias, onde permanecen contaxiados catro usuarios e un traballador, do mesmo xeito que en xornadas anteriores.

Sen cambios na incidencia do coronavirus na área sanitaria de Pontevedra e O Salnés. Mantense, como desde finais da pasada semana, en oito casos activos que a confirman como a zona de Galicia con menos positivos.
Os oito positivos mantéñense desde hai varias xornadas.
Segundo a última actualización de datos realizada polo Servizo Galego de Saúde, este mércores 24 de xuño mantense nas mesmas condicións epidemiolóxicas, sen pacientes con coronavirus hospitalizados en planta ou en unidades de coidados intensivos.