AUMENTAN OS ENFERMOS DE COVID-19 ANTE O FINAL DO ESTADO DE ALARMA

O número de casos activos de COVID-19 incrementouse en dous este sábado, ata os 359, o primeiro ascenso na Comunidade galega desde o pasado 9 de maio. As persoas curadas han aumentado ata as 10.476, o que supón seis máis que este venres. Así o recollen os datos actualizados pola Consellería de Sanidade, nos que se sinala que do total de pacientes positivos, sete permanecen en unidades de hospitalización —uno menos que este venres— e 352 en seguimento domiciliario —tres máis—, mentres as UCI galegas mantéñense sen pacientes con COVID. Dos 359 casos positivos en Galicia, 147 son da área de Vigo —uno máis que o xoves—; 108 á da Coruña —tres máis—; 34 á de Santiago —os mesmos—; 28 á de Ourense —os mesmos—; 22 á de Lugo —os mesmos—; 12 á de Ferrol —os mesmos— e 8 á de Pontevedra —os mesmos—. Ata a data as persoas curadas na Comunidade galega ascenden a 10.476 e as falecidas con COVID sitúanse en 619, dato que se mantén sen cambios desde a xornada deste xoves. O número de PCR realizadas ascende a 157.075, fronte ás 156.036 deste venres na Comunidade galega. Galicia recibe a nova normalidade con aforos ao 75% e grupos de 25 persoas Galicia abandonará o luns de forma anticipada a fase tres da desescalada e, fóra do estado de alarma, iniciará a nova normalidade, un período no que se manterán as medidas de protección como o uso de máscara e a distancia de seguridade, pero que supoñerá a ampliación de aforos e actividades permitidas.

Sen cambios trala última actualización da Consellería de Sanidade, na área Pontevedra e O Salnés que se mantén con 8 casos activos de Covid-19, ao igual que onte,  todos os casos positivos nos seus domicilios sen ser necesaria a atención hospitalaria. 

Nas últimas horas non se contabilizaron nin altas de pacientes nin novos contaxios, polo que a cifra total de curados desde o inicio da pandemia segue sendo de 891. Pola súa banda a cifra de falecementos asociados ao coronavirus mantense desde hai varias semanas nos 16.