TRAS DOUS DÍAS SEN FALECIDOS, HOXE CONTABILÍZASE UNHA MORTE EN GALICIA

O número de falecidos con coronavirus en Galicia incrementouse ata os 608 este mércores, tras dúas xornadas nas que non se notificaron decesos. A Consellería de Sanidade informou da morte dunha home de 81 anos que permanecía ingresado no CHUAC coruñés e contaba con varias patoloxías previas.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.063, deles 285 son da área da Coruña, 69 da de Lugo, 171 da de Ourense, 51 da de Pontevedra, 290 da área de Vigo, 168 da de Santiago, e 29 da de Ferrol.

Do total de pacientes positivos, 16 permanecen en UCI, 79 están en unidades de hospitalización e 968 no domicilio. Polo de agora, en Galicia hai un total de 9.411 persoas curadas, rexistrándose 608 falecementos.

Polo que respecta a área sanitaria Pontevedra-Salnés segue coa tendencia á baixa dos últimos días, e segundo os datos oficiais ofrecidos hoxe mércores pola Consellería de Sanidade son 51 os casos que permanecen activos en Pontevedra e O Salnés, 5 menos que no día de onte.

O número de pacientes curados, é de 8 na última xornada para un total de 802 desde o inicio da pandemia, e porque só se rexistraron 3 novos positivos.

Cuarto día sen rexistrar hospitalizados con positivo activo de Covid-19, os 51 casos activos evolucionan nos seus domicilios. Segue a ser 16 a cifra de falecementos asociados ao coronavirus.

O número de PCR realizadas é de 128.856.