SIGUEN OS BOS DATOS EN GALICIA

Novo mínimo de crecemento en porcentaxe, con só un 0,10%. Os novos contagios incluíndo test de anticorpos crecen tan só en 45 persoas. Galicia rexistrou nas últimas 24 horas 10 novos casos de coronavirus, unha das cifras máis baixas dos últimos días e que supón un incremento do 0,11 por cento respecto a a suma total do día anterior. Ningunha persoa requiriu hospitalización e só unha foi ingresada en UCI, segundo informou o Ministerio de Sanidade con datos actualizados ás 21 horas de onte martes. En total, 9.301 persoas padeceron a enfermidade desde que empezou a crise.
Os datos de Galicia: 143 enfermos menos
O Sergas acaba de comunicar o falecemento dunha persoa diagnosticada por coronavirus. Trátase dunha muller de 86 anos que se atopaba ingresada no Chuac, e que tiña patoloxías previas recoñecidas. Con este deceso, as vítimas da pandemia en Galicia elévanse a 598. En Galicia continúan baixando os casos activos e aumentando as altas. Dos 10.772 enfermos totais ata o momento que suma o Sergas no seu último comunicado, permanecen activos neste momento 2.179 (143 menos que os 2.322 de onte), faleceron 598 e curáronse 7.996 (176 máis que onte). Dos 2.179 enfermos activos, están a pasar a enfermidade no seu domicilio 2.013 persoas, na UCI 22 (onte eran 25) e en unidades de hospitalización 144 (onte eran 166). O total de persoas hospitalizadas baixou de 191 a 166.

No conxunto de toda España o número de casos confirmados por PCR crece en 439 para facer un total de 228.691 persoas con coronavirus segundo este test. Se se suman os tests de anticorpos, a cifra de contaxiados en España chega a 271.095 persoas. O número de falecementos reportados hoxe foi de 184, un leve crecemento respecto a os 176 de onte martes 12, pero unha cifra inferior aos que se reportaron o pasado mércores 6, que foron 244. Ata o momento perderon a vida 27.104 españois por causa do coronavirus.