IMOS CARA O USO OBRIGADO DA MÁSCARA

A máscara que debemos utilizar no noso día a día é a cirúrxica É importante cubrirse as dúas vías de transmisión, boca e nariz Simón advertiu que hai colectivos que non poden usar máscaras O Ministerio de Sanidade está a estudar implantar o uso obrigatorio de máscaras nos espazos públicos como medida fronte ao coronavirus. Como xa advertía onte Simón, esta medida pode ser moi difícil de levar a cabo, xa que hai colectivos que non poden utilizalas como o resto do mundo, como pacientes con enfermidades respiratorias ou nenos. Ademais, o uso das máscaras segue sendo algo novo para a nosa sociedade e, a día de hoxe, aínda hai moitas persoas que non saben colocarlla correctamente nin cantos tipos hai ou cal é o modelo máis adecuado, o que lles pode facer perder a súa eficacia. No noso día a día, máscara cirúrxica As que debemos utilizar no noso día a día son as cirúrxicas ou sanitarias, as que están dispoñibles en calquera farmacia. Doutra banda, as hixiénicas son as menos eficaces, e as que levan filtro, protexen moito á persoa que a leva pero non a quen lles rodea. Ademais, tan importante é levala posta como levala ben. Ten que cubrir as dúas vías de transmisión, boca e nariz, a cor vai sempre por fóra e a parte de arriba é a do arame, que se ten que axustar ao nariz para que a máscara non se mova. Sociedades de Medicina do Traballo ven "inadecuado" e "factor de risco" a repartición de máscaras FFP2 Sociedades científicas e asociacións profesionais da rama de Medicina do Traballo afirmaron que a repartición de máscaras FFP2 de forma xenérica á poboación, como ocorre na Comunidad de Madrid, "non é adecuado" e advirten de que o seu uso continuado entraña "risco" de contaminación e "poderían ser elementos de transmisión do virus".

O uso de máscaras por parte da poboación en xeral pode servir como un medio de control da fonte de infección ao reducir a propagación do coronavirus.

Recoméndase utilizar as máscaras cando se acode a zonas con moita xente, espazos pechados como supermercados ou centros comerciais. Ademais, o seu uso é obrigatorio cando nos desprazamos en transporte público.

Hai unha serie de riscos potenciais de auto-contaminación que fan necesario ter en conta as seguintes accións:

   • Antes de poñer unha máscara, lava ben as mans

   • Cobre a boca e o nariz

   • Mentres a utilices, evita tocala

   • Para retirala, quítaa sen tocar a parte frontal e lava as mans novamente