SEGUEN BAIXANDO OS PACIENTES UCI EN GALICIA. NINGÚN NA ÁREA PONTEVEDRA-SALNÉS

A cifra de pacientes ingresados nas UCI galegas debido a unha infección por coronavirus xa é só de sete, segundo detallou este martes a Consellería de Sanidade por medio do seu balance estatístico diario. No caso das hospitalizacións, o dato é tamén reconfortante: a presión asistencial ha persistido na súa tendencia á baixa nas últimas semanas e só 52 de 834 persoas en tratamento están a ser atendidas nestes momentos nos hospitais galegos. O número de contagios activos, por outra banda, volveu a reducirse un día máis, de 854 onte a 834 hoxe. A maior parte deles, 775, reciben asistencia telemática desde os seus domicilios ao presentar un cadro sintomático leve. O total de curados é de 9.764 e o de falecidos, de 614. Neste sentido, cabe destacar que onte non volveu rexistrarse ningunha defunción en territorio galego, o que se traduce nunha mellora substancial da letalidade. En canto á súa distribución por áreas sanitarias, 207 dos enfermos en tratamento pertencen ao área sanitaria da Coruña, 58 á de Lugo, 121 á de Ourense, 36 á de Pontevedra, 250 á de Vigo, 137 á de Santiago e 25 á de Ferrol. 153 dos contaxiados son persoas vinculadas aos centros residenciais e 272 dos falecementos corresponden a usuarios dos mesmos.

PONTEVEDRA-O SALNÉS

Este martes 26 de maio a área sanitaria de Pontevedra e O Salnés ten 36 casos activos de coronavirus. O número coincide cos rexistrados este luns e tampouco se rexistrou ningunha alta nin ningunha baixa, de modo que se pode constatar que nas últimas 24 horas non se rexistraron novos positivos. Ademais, dáse a circunstancia de que entre o domingo e o luns tampouco houbo novos positivos, senón un paciente curado que reduciu o número total de casos activos. Desta forma, este martes é o segundo día sen novos casos activos por coronavirus por primeira vez desde o inicio da pandemia. 

Segundo o balance oficial do  Servizo  Galego de  Saúde, nas últimas 24 horas non houbo novos casos, pero si cambios na situación dos que xa había. Así, este martes non hai ningún paciente na Unidade de Coidados Intensivos (UCI), como si había o luns, senón que ese enfermo atópase agora en planta. 

Na área sanitaria tan só hai a día de hoxe un paciente con coronavirus hospitalizado. Trátase dun paciente ingresado en planta do Complexo Hospitalario Universitario de Pontevedra. 

Os outros 35 casos, ata o total de 36 contabilizados, son pacientes que evolucionan no seu domicilio.