O FINAL DO ESTADO DE ALARMA ESTA CERCANO

-Pedro Sánchez pon data final ao estado de alarma -O presidente confirma que a próxima será a última prórroga Pedro Sánchez mantén esta mañá de domingo unha nova reunión cos presidentes autonómicos. E nela confirmou o adiantado pola vicepresidenta Carmen Calvo a semana pasada, a intención de pedir unha sexta e, agora si, definitiva prórroga do estado de alarma. Esquecéndose do seu desexo de alongar ata case un mes, volverá solicitar ao Congreso que aprobe unha extensión de 15 días. Así o fin da alarma no noso país tería xa data: o 21 de xuño. A partir de aquí entraríase no que o goberno quixo chamar a nova normalidade. O presidente segue o consello dos expertos que lle pediron «prudencia» e que é necesario seguir limitando a mobilidade. Fase 3 con total cogobernanza Esta nova prórroga viría acompañada por un avance máis na cogobernanza entre o executivo central e os autonómicos. Así estes últimos, unha vez entre en fase 3, tería a total capacidade para decidir sobre o seu proceso de desescalada. Isto formaría parte do acordo ao que chegou o Goberno nas últimas horas con dúas dos seus socios, Esquerra Republicana e PNV. Nas últimas horas anunciábase a abstención dos primeiros e o voto afirmativo dos nacionalistas vascos, dando un paso importante para garantir a aprobación dunha nova prórroga. O portavoz do PNV no Congreso dos Deputados, Aitor Esteban, afirmou que, co acordo alcanzado este sábado para apoiar a próxima votación de prórroga do estado de alarma, «recuperouse todo o autogoberno vasco», de tal forma que o lehendakari "recuperará o control absoluto da situación".