OUTRA XORNADA SEN FALECEMENTOS EN GALICIA

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 1.171, deles 276 son da área da Coruña, 75 da de Lugo, 207 da de Ourense, 57 da de Pontevedra, 339 da área de Vigo, 182 da de Santiago, e 35 da de Ferrol.

Do total de pacientes positivos, 17 permanecen en UCI, 93 están en unidades de hospitalización e 1.061 no domicilio. Polo de agora, en Galicia hai un total de 9.204 persoas curadas, rexistrándose 607 falecementos.

A xornada deste luns saldouse sen novos datos sobre falecidos pola pandemia en hospitais galegos. Trátase da terceira vez desde o inicio da crise sanitaria na que estes centros non comunican ningunha nova vítima mortal con COVID-19.  Tampouco transcendeu ningún outro morto rexistrado en residencias de maiores, que suman xa 12 días sen falecidos co virus. Trátase da terceira xornada na que non se informaron destes falecidos, a primeira o pasado 29 de abril e a última o pasado xoves.

O número de PCR realizadas é de 126.758.

Por áreas sanitarias, a distribución dos enfermos é a seguinte:
• Vigo: 339 (-13).
• A Coruña: 276 (-1).
• Ourense: 207 (-2).
• Santiago: 182 (-5).
• Lugo: 75 (-2).
• Pontevedra: 57 (-5).
• Ferrol: 35 (=).

Nas residencias apenas hai variacións respecto do día anterior. Continúa habendo 164 usuarios enfermos, os mesmos que 24 horas antes, e seis traballadores menos contaxiados, ata un total de 116. 
O único falecido na xornada de onte non era usuario de residencias, polo que a cifra de decesos de usuarios deses centros mantense en 270.