GALICIA ACHÉGASE AOS 600 MORTOS

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 2.322, deles 530 son da área da Coruña, 133 da de Lugo, 362 da de Ourense, 123 da de Pontevedra, 626 da área de Vigo, 461 da de Santiago, e 87 da de Ferrol.

Do total de pacientes positivos, 25 permanecen en UCI, 166 están en unidades de hospitalización e 2.131 no domicilio. Polo de agora, en Galicia hai un total de 7.820 persoas curadas, rexistrándose 596 falecementos. A última é unha muller de 85 anos, que estaba ingresada no CHUO e tiña diagnosticadas patoloxías previas. Por quinto día consecutivo, non se notificaron mortes en residencias de maiores.

O número total de casos activos, mortes e altas reportado pola Xunta de Galicia é de 10.737, esto é 68 máis que onte.

O número de PCR realizadas é de 117.001.