A ÁREA PONTEVEDRA-O SALNÉS SEN HOSPITALIZADOS

A Consellería de Sanidade informou este xoves de que o número de contagios activos por coronavirus en Galicia sitúase en 799, 24 menos que os rexistrados onte. O número de falecidos, por outra banda, é de 615, tras varios días nos que este indicador mantívose practicamente inalterable, e os curados xa ascenden a 9.849. En canto á súa distribución por áreas sanitarias, 187 dos pacientes concéntranse na da Coruña, 51 na de Lugo, 94 na de Ourense, 36 na de Pontevedra, 268 na de Vigo, 142 na de Santiago e 21 na de Ferrol. Deses 799 casos activos, 116 están vinculados a centros residenciais, mentres que 172 das defuncións contabilizadas ata o de agora rexistráronse nesas institucións. As PCRs realizadas na Comunidade, doutra banda, xa chegan ás 138.993.

Pontevedra-O Salnés
A única paciente que permanecía hospitalizada por covid na área sanitaria de Pontevedra e O Salnés recibiu o alta, despóis dunha semana de ingreso e tras pasar tamén pola UCI de Montecelo.

Deste xeito, a área sanitaria volve a estar de novo sen pacientes hospitalizados por coronavirus.

Ademáis, segundo os datos actualizados este xoves pola Consellería de sanidade, nas últimas 24 horas reduciuse en dous o número de contaxios, que volven a 36 casos activos.
Todos eles permanecen illados nos seus domicilios.

Paralelamente, aumentan os curados. Dende o inicio da pandemia superaron a enfermidade 842 pacientes, 13 máis que onte.
Os falecidos asociados ao Covid mantense estable nos 16.