Nova vítima mortal por coronavirus na área sanitaria Pontevedra-Salnés. Como informábamos na noite de onte trátase dun home de 59 anos que residía na nosa comarca e que estaba hospitalizado na Clínica Quirónsalud Domínguez de Pontevedra. Con este falecemento ascende a 11 o número de persoas que perderon a vida polo Covid-19 desde o inicio da pandemia na nosa área.
Na área sanitaria de Pontevedra e O Salnés hai 470 casos activos. 10 casos máis que onte, 53 (7 menos) están ingresados no Hospital Montecelo e 6 (2 menos) no Hospital do Salnés. Destes enfermos ingresados 13 pacientes están na UCI (1 menos que onte) e 398 nos seus domicilios (2 menos).
Un dato positivo é o de altas médicas rexistradas e que tamén aumentan nesta área sanitaria, 16 nas últimas 24 horas. O total dende o inicio da pandemia é de 97. O total de persoas que enfermou por COVID-19 é de 578 pacientes desde os inicios da pandemia.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.