AUMENTAN OS CASOS NA ÁREA PONTEVEDRA-SALNÉS PERO MENOS QUE ONTE

Segue a aumentar os casos de coronavirus na área sanitaria de Pontevedra -O Salnés. Segundo os datos desta mesma mañán hai 382 casos activos o que indica que aumentou en 16 con respecto a onte. 79 deses contaxiados atópanse ingresados no Hospital de Montecelo e 17 no Hospital do Salnés. Na UCI hai actualmente 18 persoas (1 máis que onte). Ademais, 268 (12 máis que onte)  pacientes están nos seus domicilios. Lembremos que na nosa área faleceron ata o momento 8 persoas e producíronse 20 altas hospitalarias.
Polo que respecta so ao Salnés hai xa 40 casos. Hai novos casos en Cambados .
A nota positiva de Cambados é que do matrimonio de Oubiña, dos primeiros casos no Salnés, a muller foi dada de alta e agárdase que o seu home corra a mesma sorte nuns días.

España afronta o décimo oitavo día de confinamento na súa loita contra a pandemia do  Covid-19. O noso país, xa confirmou máis de 102.000 casos e superou as 9.000 mortes tras o último balance publicado polo Goberno.

Actualmente, a gran preocupación do ministerio é sen dúbida a saturación que se esta vivindo nalgunhas  UCIs do país como é o caso de Madrid, Cataluña e as dúas  Castillas. Así mesmo, hai 5.872 pacientes en Unidade de Coidados Intensivos, o que supoñen 376 máis que este pasado martes.

Como dato positivo, xa conseguiron curarse desta pandemia 19.259 pacientes, 2.479 máis nun día. As comunidades autónomas máis afectadas continúan sendo Madrid, con máis de 27.000 contaxiados e 3.000 falecidos, e Cataluña, con máis de 18.000 infectados e 1.600 vítimas mortais.