A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia ascende a 4.635, deles 990 son da área da Coruña, 533 da de Lugo, 694 da de Ourense, 425 da de Pontevedra, 1.049 da área de Vigo, 675 da de Santiago, e 269 da de Ferrol. Con respecto a onte aumentan en máis de 250 casos un dato esperanzador tras un repunte menor que en días anteriores.
Do total de pacientes positivos, 176 permanecen en UCI, 870 están en unidades de hospitalización e 3.589 no domicilio. Polo de agora, en Galicia rexistráronse 435 altas de pacientes e 149 falecementos.
O número de PCR realizadas é de 23.324.
441 maiores infectados e 7 falecidos en residencias
Segundo o último balance da Consellería de Política Social, son xa 441 os usuarios infectados en residencias da terceira idade, 13 máis que o día anterior. Dispárase a cifra de falecidos: pasan a ser 39, fronte aos 32 da véspera. Ademais, hai 165 traballadores destes centros que deron positivo. En canto ás residencias para persoas con discapacidade, hai seis usuarios máis infectados, para un total de 46, ademais de 38 traballadores (+6).
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.