A conselleira do Mar, Rosa Quintana, recibeu hoxe a aclaración realizada polo Ministerio de Agricultura, Pesca e Alimentación sobre o dereito da frota pesqueira de acollerse a expedientes de regulación temporais de emprego (ERTE) naqueles casos nos que voluntariamente os armadores decidan non saír ao mar tendo en conta as súas circunstancias. Casos como poden ser a imposibilidade de cumprimento das medidas que garantan a saúde dos tripulantes, o peche das canles comerciais ou as dificultades de atopar tripulación e se acrediten debidamente ante a autoridade laboral competente.
A titular de Mar non tivo en conta esta posibilidade prevista no artigo 22 do real decreto-lei aprobado polo Estado de medidas urxentes extraordinarias a semana pasada para facer fronte ao impacto económico e social do COVID-19.
A conselleira fixo fincapé no valor do labor que realiza o sector “posto que está intentando seguir subministrando alimento á sociedade”. Nesta liña destacou “a importancia do compromiso de axuda das administracións relacionadas co sector co obxectivo de garantir o desenvolvemento futuro da actividade”.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.