DIRECTORES GALEGOS OFRECEN GRATIS AS SÚAS PELÍCULAS POR INTERNET

Varios realizadores do Novo Cinema Galego ofrecen algunhas das súas obras online de forma gratuíta con motivo do estado de alarma polo coronavirus, que entre outras cuestións obrigou a pechar todos os cinemas do país.

O impulsor desta iniciativa, o director Xurxo Chirro —xunto aos produtores Beli Martínez e Felipe Lage— explica que se ofrecen estas obras para que a xente poida «divertirse, entreterse ou estudalas» nun momento no que non se pode saír de casa. Precisamente, este 2020 o Novo Cinema Galego, termo acuñado polo crítico Martin Pawley en 2010, cumpre unha década.
Aquel ano produciuse a estrea de «Todos vós sodes capitáns», de Oliver Laxe, obra que se pode ver online grazas a esta iniciativa. A web é http://novocinemagalego.info/10anosncg