23 NOVOS CASOS AUMENTAN O TOTAL A 135 AFECTADOS POLO COVID-19

135 casos de coronavirus confirmados en Galicia O conselleiro de Sanidade, Jesús Vázquez Almuiña, acaba de comunicar que o número de afectados por coronavirus na Comunidade ascende a 135 persoas. Onte eran 112. Do total de pacientes positivos, 7 permanecen en UCI, 27 están en unidades de hospitalización e 101 nos seus domicilios. Dos 135 contaxiados, 55 son da área da Coruña, 7 da de Lugo, 15 en Ourense, 13 na de Pontevedra, 23 na área de Vigo, 17 na de Santiago, e 5 en de Ferrol, segundo os datos proporcionados polo Sergas.

Hai que lembrar que a Consellería de Sanidade confirmou esta mañá o falecemento dunha muller de 92 anos, con múltiple patoloxía, que se atopaba ingresada no Hospital Povisa de Vigo, e que dera positivo na proba de coronavirus. Tratábase dun caso importado.