CAMBADOS PRESENTA MAÑÁN EN FITUR "EL SECRETO DE CAMBADOS"

Mañá ás 17:30h no stand de Turismo de Galicia da feira de Fitur, o concello presentará "El secreto de Cambados".

Cambados, como adiantamos en días pasados, non faltará á cita con Fitur que hoxe abría as súas portas. O Concello de Cambados da man da súa alcaldesa fará a presentación promocionando a Festa do Albariño Espumoso, que neste 2020 estreará datas, imaxe e actividades complementarias. A festa celebrarase os dias 14, 15 e 16 de febreiro. Como adiantamos a semana pasada, Cambados xunto ao de Meis serán os únicos concellos do Salnés que farán presentación individual xunto a que realizará a Mancomunidade do Salnés na caseta de Galicia. Este ano só ofreceranse espumosos amparados. En anteriores edicións participaron algunhas adegas adscritas á denominación, pero que non someteron estes viños á certificación da D.O. Rías Baixas. Ademais de degustacións, que incluirán un showcooking para aprender máis sobre a súa maridaxe gastronómica, ofreceranse charlas formativas dirixidas aos profesionais da hostalería e as adegas e tamén para particulares. Versarán sobre as formas máis adecuadas para servilo, as súas calidades fronte a outros espumosos, etc. Tampouco faltarán as actuacións musicais cuxos grupos se desvelarán próximamente.