QUE DÍA SE ILUMINARÁN DE NADAL OS CONCELLOS DO SALNÉS

Sanxenxo será o Concello que adiante máis o aceso do Nadal na comarca de O Salnés. O xoves 28 de novembro, inaugurarase a iluminación con 378 figuras que iluminarán as rúas de maior afluencia de Sanxenxo e Portonovo, ademais dos núcleos das sete parroquias do municipio. O goberno popular de Sanxenxo alongará o iluminado ata o 12 de xaneiro, investindo 90.000 euros en luces. O sábado 30 de novembro é a data escollida por Ribadumia. Non temos constancia da duración do alumbrado nin a inversión deste concello para iluminar as rúas ribadumienses. Pola súa banda, Vilagarcía de Arousa elixiu o mesmo domingo día 1 para o aceso. A ambientación do Nadal contará este ano cun 'Mercado de Nadal' como novidade, as rúas de Vilagarcía encheranse de comerciantes e artesáns locais do 20 de decembro ao 5 de xaneiro. Cambados, O Grove e Meis elixiron o 5 de decembro como a data de inauguración da súa iluminación, no caso de Cambados, a maior parte do alumeado está xa colocado i este ano parece que aumenta a cantidade de luminarias. Pola súa banda, o municipio meco comezará a próxima semana a instalación de 40 arcos que decorarán a vila mariñeira, aumentando a súa aposta polo Nadal sen grandes dispendios e comprando ano a ano luces que pasan a formar parte do inventario municipal. Antes do actual boom das luces de Nadal, o habitual en concellos de menor poboación e actividade comercial era acender a súa iluminación pouca antes do día da Lotería Nacional, o 22 de decembro. En cambio, este ano teñen previsto todos os concellos, acender as luces de Nadal entorno a ponte decembro e A Illa farao o día 9, atrasan o acencido, segundo o alcalde Carlos Iglesias, porque sempre o manteñen despois de Reyes para celebrar o seu patrón, San Xulián. Varios gobernos locais teñen por determinar a data concreta de aceso aínda que en Meaño calculan facelo na primeira quincena de decembro e en Vilanova aínda non hai data aproximada para o encendido.