PRESENTACIÓN DOS ALUMNOS-TRABALLADORES DO OBRADOIRO DE EMPREGO DE CAMBADOS

Os anteriores Obradoiros do Concello de Cambados acadaron un grado de ocupación superior o 70%

O concello de Cambados ven de presentar ao persoal docente e administrativo e aos traballadores-participantes do Obradoiro de Emprego RUTA MARÍTIMA CAMIÑO DE SANTIAGO II. Estiveron presentes a alcaldesa Fátima Abal e o concelleiro de Economía e Facenda Xurxo Charlín, ademáis de representantes da Xunta.

Aos candidatos que se seleccionaron semanas pasadas esixíuselles que estiveran anotados nas oficinas de emprego. Ademais, o proceso daba prioridade ás persoas beneficiarias da Renda de Integración social de Galicia (Risga), que comprende a mulleres vítimas de violencia de xénero, menores de 30 anos, traballadores que esgotaron as prestacións ou subsidios por desemprego, parados de longa duración, maiores de 45 anos, solicitantes con discapacidade ou en risco de exclusión social e persoas sen titulación universitaria ou de FP de grado superior.

Favorecer a inserción laboral

O Obradoiro de Emprego que arranca hoxe, terá unha duración 9 meses. 
Os desempregados seleccionados vanse formar nun oficio mentres realizan obras ou prestación de servizos de interese social, que posibiliten unha formación profesional para ou emprego e a súa posterior inserción laboral. Os participantes recibirán unha vez terminada a actividade un certificado de profesionalidade que terá validez en todo o Estado.

Os anteriores Obradoiros do Concello de Cambados acadaron un grado de ocupación superior o 70%, así o Obradoiro para a Mocidade 2015 “Cambados emprego xuvenil” contou cunha ocupación dun 77% de inserción, ou mesmo o Obradoiro “Cambados Turismo Sostible III” que acadou un 73% de inserción, o que demostra o alto indice de inserción dos obradoiros de emprego que se realizarón en Cambados.

A finalidade deste obradoiro de emprego é por un lado a formación e o emprego dun dos colectivos máis prexudicados pola crise como son os maiores de 45 anos e os mozos e, por outro lado, dar resposta á demanda dos cambadeses tanto do casco histórico como das parroquias do rural e, máis en concreto, dos emprendedores do sector do turismo e do comercio, para mellorar a imaxe patrimonial, cultural e de ocio, fomentando o turismo e facilitando a desestacionalización do mesmo neste Concello.