O CONCELLO DE CAMBADOS DENUNCIA ANTE A APLU O POLÉMICO PECHE DUNHA FINCA EN ESPIÑEIRO

O Concello de Cambados ven de remitir a Axencia da Legalidade Urbanística, os informes da Policía Local e do Arquitecto Técnico Municipal por unhas obras sen autorización realizadas en Punta Espiñeiro, zona integrada no espazo intermareal Umia-O Grove.

Segundo explica o Concelleiro de Urbanismo, Xurxo Charlín, a medida adoptouse tras as denuncias feitas por varios veciños que advertían da instalación dun portal de peche nunha finca.
O Concello comprobou que as obras estaban finalizadas, atopábanse en solo rústico de protección de espazos naturais e carecían de licenza municipal.

Por tal motivo, ao corresponderlle a Axencia de Protección da Legalidade Urbanística a

competencia para a adopción das medidas precisas de protección da legalidade respecto das obras e usos realizados en solo rústico, déuselle traslado a este organismo tanto do Informe da Policía Local como do Arquitecto Técnico Municipal.
Tamén se remitiu a información correspondente aos propietarios das fincas así como á Consellería de Medio ambiente para que adopte as medidas oportunas.

Punta Espiñeiro é un dos paraxes naturais máis importantes de Cambados e forma parte da Rede Natura 2000 dentro do Complexo Intermareal Umia-O Grove.
Asimesmo, está afectado polo Plan de Ordenación do Litoral, polo que este tipo de obras precisan das autorizacións previas dos entes autonómicos

para poder obter a posterior licencia municipal.

Info- Arousa Sí Radio Salnés

Fotos- Facebook- Manolo Rubio