O Equipo contra o Crime Organizado (ECO) Galicia da Garda Civil continúa a desenvolver este luns unha operación contra o tráfico de drogas no Salnés no que ata o momento hai cinco persoas detidas en Cambados e Vilagarcía.
O operativo conta co apoio da Unidade de Seguridade Cidadá da Comandancia (USECIC) de Pontevedra, que colaborou cos investigadores do ECO durante os rexistros realizados esta mañá en Cambados, Vilanova e Vilagarcía.
En Cambados, as forzas de seguridade accederon a un piso con material de demolición para tirar varias paredes de pladur na que se sospeitaba poderíanse agochar material esclarecedor para a investigación. Levaron detido a un home de uns 40 anos.
Segundo fontes da investigación, este operativo de ECO Gailcia é en realidade unha continuación doutro realizado no pasado, flecos pendentes dunha investigación anterior, non transcendeu de cal.
Este operativo continúa aberto polo que non se descartan novas detencións.
As imaxes do operativo son de Iñaki Abella para Faro de Vigo
AMPLIACIÓN
Vivendas, pisos, unha nave industrial, un garaxe e ata un supermercado recibiron a visita dun forte dispositivo da Garda Civil. Finalmente hai nove detidos no Salnés e outras tres persoas noutros puntos.
A Garda Civil mantén aberta a operación na provincia de Pontevedra a cargo do Equipo de Investigación Contra o Crime Organizado (ECO) de Galicia.
O dispositivo desenvólvese en concreto na comarca pontevedresa do Salnés.
Ao estar aínda activa a operación non se poden achegar máis datos do caso, aínda que non se descartan detencións.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.