"OS INCREIBLES 2" EN TORRADO NO CICLO CINE NA RÚA

O Cine na Rúa estase a converter nun fixo do verán cambadés.

A primeira sesión deste ano tivo como protagonista o filme “Hotel Transilvania 3”, proxectado no Parque de Torrado o mércores pasado e o cal se calcula que viron arredor de 200 persoas.

“Los Increíbles 2” tomará o relevo mañá, tamén ás 22:30 horas e no Parque de Torrado.

Helen é recrutada para axudar a que a acción volva á vida dos Súper, mentres Bob enfróntase á rutina da súa vida diaria "normal" no fogar. En casa debe lidar cun bebé que está a piques de descubrir os seus superpoderes. Mentres tanto un novo vilán trama un plan brillante e perigoso que leva a pique toda a estabilidade conseguida e que só Os Incribles poderán afrontar xuntos.