CONCENTRACIÓN DE APOIO Á VITIMA DA VIOLACIÓN DE MANRESA

Organizacións feministas convocaron para o luns 8 de xullo concentracións en apoio á vítima da chamada “Manada de Manresa”, como se coñece o caso dunha presunta violación múltiple ocorrida en 2016 nesta localidade. Os seis xóvenes de Manresa sentan desde este martes #ante a Sección 22ª da Audiencia Provincial de Barcelona, acusados de abusar sexualmente dunha moza de 14 anos. Os feitos ocorreron nunha fábrica abandonada de Manresa en outubro de 2016. Durante un botellón, os mozos abusaron da menor, de 14 anos, aproveitándose do seu estado de embriaguez, segundo o escrito da Fiscalía. O primeiro deles levou á menor ata unha caseta, onde despois o resto se turnó para violala. Acúsase a un sétimo home de masturbarse mentres presenciaba os feitos sen facer nada para impedilos. O caso volve traer ao primeiro plano da actualidade a tipificación dos delitos contra a liberdade sexual, xa que a Fiscalía considera que se trata dun caso de abuso e non de agresión porque non mediou violencia ou intimidación, un argumento que xa deu a Audiencia de Navarra no caso da Manda, e que corrixiu logo a sentenza do Supremo, que si aprecia intimidación. Fiscalía non descarta elevar os cargos a agresión unha vez escoite o testemuño da vítima, que será previsiblemente o vindeiro luns.

As convocatorias do día 8 de xullo estendéronse a través das redes sociais coas palabras atribuídas aos presuntos agresores: “Tes 15 minutos, non tardes que me toca a min”. Ata o momento, un total de 120 concentracións adheríronse á convocatoria a través de organizacións feministas locais.

Non é abuso, é violación! A #XustizaPatriarcal vai rematar!!!! 
O luns 8 de xullo saímos ás rúas de novo en protesta pola decisión xudicial no caso da manada de Manresa #IrmáEuCréote #NonÉAbusoÉViolacion

Convocatorias na Galiza
Allariz 20h Praza do concello
Ames: 20h Praza da Maía
As Pontes 18h Praza do hospital
Cambados 21h diante do concello
Cangas 18h diante do concello
Coruña 18h diante do concello
Compostela 20h Praza 8 de marzo
Cuntis 21h Praz da árbores
Ferrol 20h Cantón de Molíns (diante palco música)
Lugo, 20h diante do concello
Marín 20h diante do concello
Ourense 20h Praza Maior
Pontevedra 18h Concello (Praza de España)
Redondela 20.00h diante do Concello
Ribeira 20:30 Praza do concello
Vilalba 20h Praza da Constitución
Vilagarcía 20h diante do concello
Vigo 20h diante do MARCO